A prima cosa ch’ellu si pò sente hè ch’issa cunfraterna di Cassanu  » ùn sarebbe mancu Sant’Antone ma sarebbe à Santa Trinità ».

S’amparà dinù chì a cunfraterna hè messsa sott’à a prutezzione d’un secondu Santu, San Filippu Neri ( l’altra unica chjesa in Corsica, messa sott’à a prutezzione d’issu Santu, hè quella di Soriu in u Nebbiu.) Secondu à u issu canterinu (o cantore), « ci vole à piglià issu altru Santu in contu ». Ramenta dinù chì a festa di a Santa Tirinità hè festighjata l’ottu di marzu.

À partesi di 54 siconde, u canterinu (o u cantore) ammenta a messa in ballu di a so vita di cunfratellu, i so ricordi è l’evuluzione di a cunfraterna : hè cunfratellu dapoi l’età di 16 anni. Hè statu Tumasgiu Guglielmu u priore, dopu Orsatelli è quandu Orsatelli si n’hè andatu, Gulglielmu hè turnatu. Dapoi 1944 ùn anu più prete in Cassanu ma ci hè statu u canonicu Giannoni pè parechji anni. À partesi di a venuta di Giannoni ci eranu menu prucessioni, avia a paura di fà sorte e statue eppo ci spiega chì c’era menu in menu mondu è allora ùn si sò più vestuti per e prucessioni. L’aduprera di i vestiti di cunfraterna ùn s’hè più fatta.

Quessu registramentu si compie cù i nomi di i vestuti, u vestitu sanu, (la tenue), si chjama « a carpa » è a « cantiletta » hè un pezzu di u vestitu.

Josepha Daria Geronimi