Tandu, da a sala duv’ellu posa, un novu giovanu pueta risponde à a chjama dicendu « vi salutu » (15’54 ») è Savignoni dumanda « quale hè ? » (16’30 »). « Mi prisentaraghju » dice Luciani (16’43 ») è s’inseguitanu i saluti è i cumenti di l’assemblea, è Orsucci và à prupone li, s’ellu vole bè aghjunghje si, « vi daraghju a miò carrega ».

Hè tandu chì Terrazzoni face u contu « giuvanotti stà sera semu trè » (20’37 ») è Limongi accerta à Luciani « sì un veru pueta » (21’00), mentre chì sugnunu sprime a so stupita, a so gioia, ramenta ch’ellu cunnosce benissimu u babbu, chì Micaelli face sapè appuntu ch’ellu hè « un pueta pullastrone di bona razza » (24’07 ») è chì Villanova si feliciteghja vistu chì « ci sò vechji è zitelli » (26’40 ») è chì Santucci mischia à so voce à e cungratulazione generale (27’10 »).