U cunstrastu cuntinueghja ... Olivier Ancey è Francescu Santini si macagnanu sempre nant'à u so versu, i canti chjamati da Olivier « vociferate » , li dice ancu « quandu vucerai tù si disceta ancu lu mortu. » I pueti ùn sò micca curtesi trà di elli, « ti canteraghju u miserere », « s'è tù canti u miserere, ti canteraghju l'agnus dei. » A dice Olivier « hè per quessa che mi chjingu a ti dicu in puesie, quandu tù canti a messa, si ne ride ancu Maria, allora fà la finita cù la to litania. »

Si sente dopu una canzona in umaggiu à Pampasgiolu, cantata da i fratelli Vicenti, interpretata quì da Dumenicu Vincenti da :

Gl Villanova ci canta dopu una canzona scherzosa.

Ripiglia u ballu trà Olivier et Francescu Santini, sempre cusì scherzosu : « Sarà megliu che mi piantu, m'anu à scappà e ghjasteme, sapemu chì Merusaglia, niolu ùn ponu à teme, chì simu in Santa-Riparata quì, micca nant'à a RCFM ». « ma cunnoscu un' affare, sì una vera croce ». « hè vera sò una croce eppo sò stuzzicaghjolu, so Carlinu s'hè avvistu Niolu hè sempre Niolu, sarà megliu che tù pianti, che tù scioppi cumu un fasgiolu. »

Hè Luiggi Savignoni chì taglia l'improsa di i scrianzati : « Di cantà sempre cusì, ùn vi vergugnate mai, s'è possu dì un cunsigliu, ci vole à cambià ogni tantu » « Ceccu di Merusaglia avà lasciate li corre, à a nostra rima corsa circhemu di fà li onore, è ghjè nant'à issu sughjettu chì ci vole à fà furore ». « E rima corsa ci tengu, a rima corsa a stimu, a parlà ne di issa manera, sò certu ch'ùn sò u primu, ma s'è vo' ùn state à sente quessa stonda ùn finimu. » " Avàle vogliu chjamà, un pocucciu à Calzarelli, di sentesi i so versi, s'è fussinu sempre quelli, ch'avale mi venghji accantu chì vulinteri ci cantu. »

Luiggi Savignoni è Battì Calzarelli cuntrastanu inseme una stonda pò hè Ghjaseppu Micaelli chì hè chjamatu. Olivier Ancey chjama ellu à u listessu tempu, è ùn si pò impedisce di risponde à Carlinu : « Quì in Santa Reparata, ùn sò soli i Vincenti, avemu à Tonì Casalta , o Charlie s'è tù mi senti, saparè chì u so figliolu t'hà cambiatu i to denti."

U filmettu si finisce cù una canzona cantata da Ghjaseppu Micaelli.