Lamentu di l'alivu, A Cumpagnia, 2008-12

00:04:51

A CUMPAGNIA

017

2008-2012

centre culturel voce

Corse

Écrite en 1956 par Paul Lorenzi (1904 -1987), maire du village de Sullacarò au sud de la Corse
mais aussi conteur renommé, cette complainte de l’olivier est devenue populaire grâce à Charles
Foata dit « Tappà.


O lu meu lu destinu
Com’eddu hè tristu è mischinu ;
Sogu torru à chì ni vole
Si ni spassanu le piole ;
Oghje nun ai più cura
O Corsu di a me cultura.

Di a me pianta cusì degna
Sè ghjuntu à fanni la legna
E par fatti ni lu focu,
O chì scandalu di locu !
Lasci crescia machja è flettu
E t’attacchi à l’alivetu.
Purtantu, s’tù ti n’inveni,

Avii sgiarri belli pieni ;
Mi cuddii anc’à lu terzu
E mi vindii à bon’prezzu ;
Nun timii malannata
Dopu la racolta fatta.

U me ogliu cusì finu
Oghje nun ni vol’più nimu ;
Compri l’ogliu in butteglia
Chì ti veni da Marseglia ;
Sè ingranditu è senza narba
E t’imbuffi à l’ogliu d’arba.

Nun ai di li maiori
Nè lu stintu nè lu core ;
Nun voli più fà niente,
T’ai in capu lu cuntinente,
Cridendu di fà furtuna
Senza fatica alcuna.

A me rama di a pace,
U me fruttu di a luce,
Eiu, l’arburu di Diu,
Prima eru lu to invidiu ;
Oghje mancu più lu vitu
Nè menu lu benedittu.

O Corsu, ciò chè tù faci
Oghj’ella ti vaghi in paci !
Miritarìa più d’amore
Eiu di tantu valore ;
Ma di avemmi abattutu
Un ghjornu sarè pintutu

LAMENTUDILALIVU

médiathèque

médiathèque